انا صايع وافتخر

فعندما تتأخر فى العودة إلى المنزل بعد المدرسة يتم أستقبالك بسؤال ((كنت فين يا صايع لحد دلوقتى ؟)) وعندما يكون الزرار العلوى للقميص مفتوحاً ((ماتفتحش صدرك زى العيال الصايعة )) وكان هناك ارتباطاً وثيقاً بين الصياعة والتدخين والوقوف على النواصى ومعاكسة البنات ووضع الايدى فى الجيوب أثناء الكلام مع الاب وشرب القهوة ومتابعة المشاهد فى الافلام والكلام فى التليفون بالساعات والرد على الكبار بأسلوب غير مهذب والتزويغ من المدرسة والرسوب فى نهاية العام .

وكأن لقب ((صايع)) لقباً مخيفاً يضعه الاخرون على صدر كل من يحوز إعجابهم ولم يعد الصايع هو الشخص ((اللى مش متربى قليل الادب اللى بيسقط دايماً وقاعد طول النهار على النت وبيعلى صوتة على أهلة وبيسرق فلوس من ورا أهله علشان يجيب سجاير )) هذا الشخص مابقاش أسمة صايع بقى اسمة ((مغفل )) هو النموذج والقدوة والمثل الاعلى أحيانا .ولقب ((صايع )) لم يعد أيضاً مقصوراً على الاشخاص فقط فهناك أشياء كثيرة ممكن تقول عليها صايعة جهاز الموبايل اللى فية كل الامكانيات اللى محتاجها واللى بتحلم بيها .. يبقى موبايل صايع .

ممكن تلاقى جون ((صايع)) عبارة عن جمله بين 3 لاعبين سريعة ورشيقة وغير متوقعة .

ممكن تشوف فيلم نهايته غير متوقعة ولما تمر فى خيالك تبقى نهاية صايعة والسيناريست اللى كتب الفيلم سيناريست صايع.

وممكن تلاقى بلد يتقال عليها ((بلد صايعة)) زى الصين اللى قدرت إنها تخترق الدول العربية بمنتجاتها ويبقالها فى كل بيت عربي 20 منتجاً على الاقل وبالتالى يمكنك أن تقول إن

((الصين دول صايعيين قوى )).

لم يعد لقب صايع مزعجاً مثل لقب ((عنده إيدز )) ولكن صايع أصبح وسام شرف مساو فى قوتة لوسام ال "iso 9001 "

ولا اعرف ماذا حدث بالضبط وغير سمعة الكلمة 180 درجة .. غالباً هى دى الصياعة !

أستطيع الان وأنا ضميرى مستريح أن أشجعك على أن تكون ((صايع )) بالمعنى الجديد للكلمة .. للصياعة بمفهومها الجديد

أداب يجب الالتزام بها حتى تستحق اللقب

1 . الصايع عمره مايقول على نفسة أنا صايع عمرك شفت واحد ذكى ماشى يقول للناس ((أنا ذكى يا جماعة )) ؟2 . الصايع يكرة الفهلوة لان الفهلوة سرقة ومجرد أستغفال للناس , الصايع يحترم ذكاء الاخرين .

3 . الصياعة تعتمد على الثقافة العامة فى كل المجالات يكفيك أن تعرف

((حاجة عن كل حاجة )).

4 . الحظ قد يقودك إلى القمة والصياعة أن تحافظ عليها .

5 . الصياعة أن بالك يبقى طويل وماتبدأش بالغلط وماتردش على اللى بيستفزك إنك تسامح الشخص اللى تقدر تنتقم منه بسهولة .

6 . الصياعة إنك ماتكررش نفس الغلطة مرتين .

7 . الصياعة إنك تدى كل واحد حقة وتعرف قيمة اللى قدامك بالضبط .

8 . الصياعة أنك تبقى فاهم كويس إنه - مش مهم إنك تغير الكون .. المهم إنك تخلى الكون ما يغيركش .

- الحب اللى بيجى بسرعة لازم يروح بسرعة .

- الاحمق هو الشخص اللى لسانة أسرع من عقلة .

- أستمتع بالحاجات الصغيرة بكرة هتعرف إنها كانت كبيرة .

- اتعلم تضحك على مشاكلك وأنت عمرك ما هتبطل ضحك .

- الخط المستقيم أقصر طريق بين نقطتين والابتسامة أقصر طريق بين شخصيين .

- بس عمرك ماهتوصل للى انت عايزة من غير ما تتعب .

- الفهلوة سرقة .. خد بالك مفيش طريق مختصر للمكان اللى يستحق إن الواحد يروحه .

- حياتك فيلم واللى حواليك بيلعبوا أدوار الأب والأم والجار والصديق بس أنت بطل الفيلم .. حاول دايماً تتصرف زى الابطال.

- ابتسامتك فى وش أى حد هتخليه صعب إنه يكرهك .

- مش مهم أن الناس بتحبك المهم أنك تحب كل الناس .. مابيشتغلشى غير لما يتفتح

دمت ودام قلمك
تحياتى الك
العيــ السود ــود

مشكور عبود على فكرة انت عامل شغل جامدفى المنتدى عبود مرسى لألك ويسلمولى وتسلملى دانه الأمورة تحياتى

مشكور عاى المرور اخcrazy in love